जूनच्या पहिल्या आठवड्यात

प्रजासत्ताक देशात उगवलेल्या
जून महिन्यात व्यकुळतेला आलेलं उधाण
उन्हाच्या चटक्यात घाम फुटणाऱ्या त्वचेचे
शेतजमिनी सारखे नांगरले जाणारे नखांचे व्रण
चष्म्याच्या काचेवर येणार चहाचे फुंकर कण
एक एक पायरी चढून जाणारी ती गर्भवती
आणि शेजारी सार्वजनिक संडासावर वाढलेली गर्दी
बोळीच्या भिंत्तीवर "अल्ह्ड जवानी" चे चार पोस्टर
वारंवार झळकणारे ते स्तनाळ चित्र,
कोळश्यांनी लिहिले भडव्यांनी आपले फोन नंबर,
चिंक्की चाहिये या मालियाली मिलेगा सब अंदर

पानाच्या पिचकाऱ्या, सिगारेटीचे थूट, वास, दुर्घन्ध
सकाळी ७:०२ ची लोकल ची गर्दी येते कधी नाहीशी होते कधी
बूटपॉलिश वाल्यांच्या च्या टाप टाप आवाजात
किती खेटर्र आली गेली प्रत्येक बुटात होतेच का पाय?
चामडीच्या पोकळीला बुटांचे आकार चालवतात कि काय?

तो न्यूजपेपर विकत घेतो मी रंगीत पान मागून घेतो
हेडलाईन्स वाचून पारा चढतो म्हणून
त्यालाही रंगीत पान हवं असतं.
एका हाताने वारा घालत तो म्हणतो
न्यूजपेपर संडास मध्येच वाचलेला बरा असतो.
दुर्गंधात दुर्घन्ध जाणवत नाही.
काही गमावलं ह्याच दुःख नाही.

राष्ट्रवादी समाजवादी माओवादी
मायनॉरिटी बहुजन ब्राह्मण
सगळे जमतात देशभक्ती नूजचॅनेल वर ओकतात.
सगळ्यात प्रभावशाली अँकर असतो
त्याला सांगितल्याप्रमाणे सगळ्यांकडून
हवं तस वदवतो. मथळा छान रंगतो.

राजनेत्यांना देशाची काळजी लागते
तेव्हा हिमालय वितळू लागतो
कावळे आणि पारव्यांच्या निसर्गविधीचा सडा
पुतळ्यांवर होऊ लागतो.
त्यांच्या गुदमरण्याचा आभास
समागमात अडकलेल्या कुत्र्यांना होतो.

दिवस उगवतो दिवस मावळतो
उकाडा मात्र जसा च्या तसा
काचलेल्या जांघानी चालणं हा पराक्रम
घामोळ्यांच्या पाठीने निजणे हे शौर्याचं

क्रांतीही घडते अगदीच साखरझोप नसते
पक्षबदलाने नपुंसकांची गांड जळते.

जूनच्या पहिल्या आठवड्यात
पाऊस पडला नाही की आभाळ काळंभोर होतं, जीव गुदमरू लागतो.
सामान्य म्हणवणाऱ्या प्रत्येकाचा तो कणा दधिचीचा हळू हळू वाकू लागतो.