कल्चर शॉप मध्ये कविता वाचन

मी कविता वाचू लागलो की
त्यांचं पोट खळबळत संडास लागते
इतकी माझ्या शब्दांची प्रतिभा?  मला जाणवते! 
विंदा, सुर्वे, ढसाळ, चित्रे ऐकतायना ?

एका कविता वाचनाच्या कार्यक्रमात
विदेशी लोकांना आम्ही कविता भाषांतरित करूनहि ऐकवल्या
पण इंडियन इंग्लिश कवीना त्यांच्या कवितेचा अर्थ हिंदीत सांगता आला नाही
कार्यक्रमाचे तिकीट २०० रुपये कवी लोकांना चहाही विचारला नाही.

ओपन माईक सुरु होताच कळलं
ऐकणारेही कवीच होते
कवी प्रेक्षकांच्या रांगेत बसले
प्रेक्षक मंचावर गेले .

त्यांनी मग जाहिरात केली
फेसबुक वर सगळ्यांचे फोटो
मी माझा फोटो व दुसरा टाळ्या वाजवणाऱ्यांचा
लाईक केला. जे मित्र येऊ शकले नाही
त्यांनी कंमेंट केल्या
"तुझ्या सारखा दुसरा कवी होणे नाही"
विंदा, सुर्वे, ढसाळ, चित्रे ऐकतायना ?