भगवा ते लाल

हे हिंदवी स्वराज्याचे वारे हलके होऊन
मशिदींच्या हिरव्या झेंड्यांना फडफडत निघून जातंय.
गुलाल उधळला जातोय, भगवी पताका नाचत मिरवणूक पुढे जात आहे.
रस्त्या काठच्या झोपडीतली मुलं किती उत्साहानं पुढे नाचत आहे
ढुंगाणावरच थिगळ पुन्हा फाटत आहे. अजान की बोम्ब काही कळत नाही आहे.
घोषणा होत आहे स्वच्छता मोहीम राबवली जाणार आहे
झोपड्या तोडून जेष्ठ नागरिकांसाठी बाग बनणार आहे.

आपल्या खिडकीतून किती अडचण होतेना हे सगळं बघायला
गॅलरी असायला घर पुण्यात असावं लागत हे तुझं उत्तर ( तो टोमणाचं आहे )
गावी बैठं घर आहे, ते लंकेत सोन्याच्या विटां एव्हढंच कामी येतंय
छप्पन इंची स्क्रीनचा टीव्ही डिस्काउंट मध्ये मिळेल २६ जानेवारीला
ट्रॅव्हल चॅनेल किती छान दिसेल आपल्याला.

परवा फूटपाथ वर आक्रमण केलेल्या एका झोपडीत एसी बघितला,
लाज वाटली स्वतःची, मग पालिकेची, त्यांच्या कडे विजेचं मीटर आहे. ( बोमला )
तो म्हणतो अच्छे खासे दिखते हो भाव क्यो करते हो ?
सब्जी सीधा  नासिक से आया है .
 रेल्वे पँट्री बाजूला गटाराच्या पाण्याने
 हिरवी झालेली मग अफिमच आहे का?

हाकलून लावावे वाटतात रानडुकरे, विचारांची! पण
आपल्या किचन सिंकवरही आपला ताबा नाही. ( उपरती )
शेवटचे राजे बुरुजावरून बघतात खिन्न भूभाग तसच
सावरकरांच्या फोटो कडे बघून उगाच वाटतं काही बाही.

मग ती आठवण करून देते
पटकन टीव्ही लाव खूप दिवसाने लागणार आहे
जो जिता वही सिकंदर -पेहला नशा पेहला  खुमार
लाल सलाम नाहीसं होतं उडतो हवेवर स्वेटर लाल.